• Main Gate

Events Calendar

November 2018
S M T W T F S
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Latest Events

No events

የተሳለጠ የግዥ ስርዓት ለመፍጠር ጥረት እየተደረገ ነው ፡፡

የወልድያ ዩኒቨርሲቲ የግዥና ንብረት አስተዳደር ዳይሬክቶሬት በ2008 በጀት ዓመት የተሳለጠ ግዥ ስርዓት ለመዘርጋት ጥረት እያደረገ መሆኑን አሳወቀ፡፡

ዳይሬክቶሬቱ ከሚያከናውናቸው ዋና ዋና ተግባራት መካከል፡- ዩኒቨርሲቲው በነደፈው መረሃ ግብር መሰረት ለመማር ማስተማር፣ለማህበረሰብአገልግሎትና ለምርምር ተግባር የሚያግዙ የዓመቱን የግዥ ፍላጎት ማሰባሰብ፣ የግዥ ዕቅድ ማዘጋጀት፣ ማስገምገምና ማፀደቅ፣ ከጸደቀው ዕቅድ በመነሳት የግዥ ሂደቱን ቅደም ተከተል መለየት፣ በመንግስት ግዥ አፈፃፀም መመሪያ መሰረት ግዥውን ማከናወንና ንብረቶቹን መረከብ፣ በአግባቡ መዝግቦ መያዝና ስራ ላይ መዋላቸውን የክትትልና ቁጥጥር ስራ በመስራት ላይ መሆናቸውን የግዥና ንብረት አስተዳደር ዳይሬክቶሬት ዳይሬክተር አቶ አብዮት አሻግሬ ገለፁ፡፡

 

አቶ አብዮት አሻግሬ

የግዥና ንብረት አስ/ዳይ/ ዳይሬከተር

 

አያይዘውም እነዚህን ተግባራቶች በምናከናውንበት ጊዜ ያጋጠሙን ችግሮች በዕቅድ አለመመራት፣ ሁሉም ክፍሎች የሚያቅዱት የንብረት ዕቅድ ያልተጠና መሆን፣ ክፍሎች ያላቀዷቸውን ዕቃዎች ይገዛልን በማለት ለፕሮፎርማ ግዥ መጋለጥ፣ በመንግስት ግዥ የሚገዙ ግዥዎች በወቅቱ አለመድረስ፣ የዕቃዎች ጥራት መጓደል፣ ከተቋሙ ባህሪ አንፃር የግዥ መመሪያው ምቹ አለመሆን፣ የውል አስተዳደር መደብ በሰው ሃይል ያልተሟላ መሆኑ አቅራቢዎች በተሰጣቸው የጊዜ ገደብ መሰረት ስለመቅረባቸው ለመከታተል አስቸጋሪ መሆኑ፣ በአዲስ አበባ ጉዳይ አስፈፃሚ አለመኖሩ ለትንንሽ ጉዳዮችም ሳይቀር እንድንመላለስ በር መክፈቱ፣በአዲስ አበባ የእንግዳ ማረፊያ ቤት አለመኖሩ የተገዙ ዕቃዎችን ለማከማቸት ችግር ከመፍጠሩም ባሻገር የግዥ ሰራተኞቻችን ለእንግልት መዳረጋቸው ዋና ዋናዎቹ ናቸው ብለዋል፡፡

 

በተጨማሪም ዳይሬክቶሬቱ ስራዎችን በዕቅዱ መሰረት እያከናወነ መሆኑን ገልፀው በየጊዜው የግዥ ጥያቄ በሚቀርብባቸው ለግንባታና እድሳት የሚያገለግሉ ማቴሪያል በብሄራዊ ግል ጨረታ የዓመቱን ግዥ ማከናወናቸውን ሃላፊው ገልፀዋል፡፡

በመጨረሻም ለተማሪዎች አስፈላጊ ማቴሪያሎች ግዥ በ2008 .ም ያጋጠሙ ችግሮችን በመገምገም በ2009 .ም ለተማሪዎች አገልግሎት የሚውሉ ማቴሪያሎችን በተሳለጠ ሁኔታ ግዥዎች መከናወን ያለባቸው መሆኑና ተማሪዎች እንዲገቡ በታቀደበት የጊዜ ሰሌዳ መሰረት እንዲሟላ ለማድረግ በርካታ ስራዎችን በመስራት በአሁኑ ሰዓት አልጋ፣ ፍራሽ፣ ትራስ፣ ወንበርና ጠረንጴዛ ወዘተ ማሟላታቸውን ተናግረዋል፡፡

 

Last Modified Date

 November 13, 2018, 6:19 am 

Copyright © 2014. Woldia University. All Rights Reserved.