• Main Gate

Events Calendar

November 2018
S M T W T F S
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Latest Events

No events

ለህግ ታራሚዎች ስልጠና ተሰጠ

ወልድያ ዩኒቨርሲቲ የማህበረሰብ አገልግሎት ጽ/ቤት በሰሜን ወሎ ዞን በወልድያ ከተማ በሚገኘው ማረሚያ ቤት ለሚገኙ 240 የህግ ታራሚዎች ከመጋቢት 23-25/2008 ዓ.ም ድረስ በስራ ፈጠራና በተላላፊ በሽታዎች ላይ ያተኮረ የግንዛቤ ማስጨበጫ ስልጠና ሰጠ፡፡


ስልጠናውን ሲሰጡ የነበሩት የወልድያ ዩኒቨርሲቲ የቢዝነስና ኢኮኖሚክስ ፋክልቲ ምርምርና ማህበረሰብ አገልግሎት አስተባባሪ የሆኑት መ/ር ብርሃኑ ፀሃይ እንደገለፁት የስልጠናው ዓላማ የህግ ታራሚዎች በማረሚያ ቤት ቆይታቸው ያላቸውን ሰፊ ጊዜ ያለ አግባብ ሳያባክኑ የተለያዩ ስራዎችን በመስራት ራሳቸውንና ቤተሰባቸውን መርዳት እንዲችሉና ከማረሚያ ቤት ከወጡ በኋላም ሙሉ ጊዜያቸውን ስራ ላይ በማድረግ አላስፈላጊ ህይወት ውስጥ እንዳይገቡ የአመለካከት ፣የክህሎትና መሰረታዊ እውቀት እንዲያገኙ ግንዛቤን ለማስጨበጥ መሆኑን ገልፀው በተጨማሪም ታራሚዎች በማረሚያ ቤት ቆይታቸው ስለተላላፊ በሽታዎች ያላቸውን ግንዛቤ ለማሳደግ የሚረዳና በሽታዎች ከመከሰታቸው በፊትና ከተከሰቱ በኋላ ሊያደርጓቸው በሚገቡ ጥንቃቄዎች ላይ ያተኮሩ ስልጠናዎች ተሰጥቷቸዋል ብለዋል፡፡

 

የስልጠናው ተሳታፊዎችም በሰጡት አስተያየት ይህ ስልጠና ወቅታዊና ለእኛ ጠቃሚ ሲሆን በማረሚያ ቤት ቆይታችንም ሆነ ከዚህ በምንወጣበት ጊዜ ህይወታችንን እንዴት መለወጥ እንደምንችል ያስገነዘበንና እስከአሁን ምን እየሰራን እንደነበርም ሆነ ወደፊት ምን ማድረግ እንደሚገባን መንገድ የከፈተልንና የስራ ፣ የገንዘብና የጊዜ ያለንን አመለካከት የሚቀይር በመሆኑ ስልጠናው ቀጣይነት ኖሮት ሁሉም ታራሚ ቢሰለጥን ጥሩ እንደሆነ አስተያየታቸውን ሰጥተዋል፡፡

በስልጠናው ማጠናቀቂያ ላይ የሰልጣኞችን አስተያየት መነሻ አድርገው ሃሳብ የሰጡት መ/ር ብርሃኑ ፀሃይ እንዳሉት በማረሚያ ቤቱ ወደ1000 የሚጠጉ የህግ ታራሚዎች መኖራቸውን ገልፀው የማሰልጠኛ ቦታውን መሰረት አድርገን 240 ሰልጣኞችን ብቻ ያሳተፍን ሲሆን ስልጠናው በቀጣይነት ተጠናክሮ ሲቀጥል ሁሉም የሚዳረስበት ሁኔታ ይፈጠራል ብለዋል፡፡

 

Last Modified Date

 November 13, 2018, 6:19 am 

Copyright © 2014. Woldia University. All Rights Reserved.